【蓄 hak】是【買 bé/bué】ê一種，【買 bé/bué】無一定是【蓄 hak】，佮錢額大細條無絕對必然 ê 關係。
【蓄 hak】ê 受詞是【非消耗品 hui siau-môo-phín】，也就是會用得一再使用 ê 物件，主要是「hit-lō 較會用得囥--ê，相對會用得用較久長 ê 物件......」，ex.【蓄一組家私頭仔】、【蓄一台『小蜜蜂』（『擴音機』）】、【蓄一領（軀）身穿】、【風颱欲來--矣！著先去蓄一寡仔泡麵】......。
受詞毋是干焦用佇較大、金額較濟 ê 財產（【田園】、【嫁粧】、【厝宅】），《教典》ê 釋義無妥當。
進前有朋友問我【風颱欲來--矣！著先去蓄一寡仔泡麵】，按呢講會做--得--袂？（亻因有按呢用）
我本底嘛掠準【蓄】無按呢用，後--來轉去厝--裡問阮老歲仔，伊應講【會--啊！哪會袂講--得！】。
毋拄「買中元普度ê 食品」袂用得講做「蓄中元普度ê食品」。