許嘉勇-開破《教育部臺灣台語常用詞辭典》20250618

 

「土埆」？「thôo-kak」？

     「thôo-kat」、「thôo-kat-tshù」內底「kat」ê 本字到底愛按怎寫？往過，因為傳統建築研究學者對語音 ê了解khah欠缺，所致共伊誤讀做「thôo-kak」、「thôo-kak-tshù」，而且家己望文生義去揣著一个無正確ê漢字－「埆」，甚至用華語直接二次翻譯讀做「ㄊㄨˇ　ㄑㄩㄝˋ」，教育部《臺灣閩南語常用詞辭典》原底嘛寫做「塗埆(thôo-kak)」、「塗埆厝(thôo-kak-tshù)」[1]。筆者做過幾若改傳統老師傅ê訪談，閣加上厝--裡序大人（徛佇鹿港ê俺公、叔公仔）從早以來ê講法，不管是「塗墼」、「塗墼厝」、「印塗墼」、「塗墼斗」、「塗墼模」，「墼」--字計是講做「kat」，舌尖韻尾「-t」入聲字ê呼音是明明明，致使筆者用寡心神來反(píng)幾卷仔漳泉ê閩南語韻書，做淡薄仔稽考。

        《說文》：「墼：令適也。一曰未燒者。從土毄聲。」段玉裁對第二个解說「一曰未燒者」注：「此一義謂和水土入模笵中而成者曰墼，別於凷而未經匋竈也。喪服柱楣注。屋下累墼爲之。此必未燒者也。枕凷則未墼者也。厽部垒下曰。墼也。葢亦謂未燒者。今俗語謂未燒者曰土墼。」宋本《廣韻》：「墼：古歷切，土墼。」古是見母屬全清，歷是錫一入聲屬梗攝開口四等，「古歷切」對應現代閩南語ê文讀擬音是「kik」，「梗開四」ê字有文讀「-ing/-ik」韻、白讀「-an/-at」韻ê例字，可比講「零(lîng/lân)、星(sing/san)、霆(tîng/tân)、亭(tîng/tân)、鉎(sing/san)、踢(thik/that)、笛(ti̍k/ta̍t)」，所致「墼」--字文讀「kik」、白讀「kat」，音理上清楚明瞭，無問題[2]；《廣韻》：「埆：苦角切，墝埆不平。」對應現代閩南語是「khak」，音義攏無對同。

嘉慶5年(1800)ê《彙音妙悟》雖然無「墼(kat)」ê記錄，毋拄卻有記載「埆」--字：「埆：香氣陰入→khiok，地不平也。」嘉慶23年(1818)ê《彙集雅俗通十五音》：「墼：干求上入→kat，土墼。……埆：姜去上入→khiak，地不平又瘠也。」1873年《廈英大辭典》：「thô͘-kat, unburnt sun-dried bricks. ìn thô͘-kat, to mould unburnt bricks.」另外，教育部異體字字典嘛引清代〈槐西雜志〉：「……北庭都護府故城。……皆以土墼壘成。」大正二年(1913)《廈門音新字典》：「kat墼(kek)：thô͘-kat, ìn thô͘-kat, thô͘-kat-thô͘.」1954年ê《彙音寶鑑》：「埆：姜四去→khiak，地不平又瘠也；江四去→khak，磽确不平。墼：干四求→kat，土墼。」

昭和七年(1932)《臺日大辭典．下冊》：「土墼(thôo-kat)：1.土を捏ねて煉瓦より較大きな型に入れて干し固めたもの、壁をつくに用ふ。土角。土塊。印(ìn)土墼＝同上を作る。土墼厝(tshù)＝同上で作った家。土墼壁(piah)＝土角の壁。2.賭博の一種。疊(thia̍p)土墼＝同上をする。」《臺日大辭典》第一个解說是：「捏塗，共伊囥入去比磚仔較大ê模仔，囥予焦，用來做壁堵。」例詞有「印土墼」、「土墼厝」、「土墼壁」，《臺日大辭典》共thôo--字以訓用字「土」來表示。第二个解說是跋筊ê一種，例詞是「疊土墼」，應當就是拍麻雀，現代臺語是講做「疊磚仔」。

除了歷來ê閩南語韻辭書寫做「墼(kat)」以外，咱臺灣民間ê地號名嘛有「塗墼」ê寫法，佇明朝尾清朝初期ê《閩海紀要》，就已經有「塗墼埕」ê記載，「塗墼埕」是佇現tsú時臺南下太子昆沙宮參舊臺南監獄hit箍圍仔，後--來ê臺灣文獻有ê寫做「塗墼庭」，有ê寫做「土墼埕」，均都(kirn/kun/kin-tu)無人共「墼」--字寫做「埆」；閣親像臺中龍井ê「塗葛堀庄」，道光版ê《彰化縣志》有記載「塗葛堀庄」、「塗墼窟港」，洪敏麟《臺灣舊地名之沿革》：『彰化縣志港作塗墼窟港，莊作塗葛堀，塗墼即砌壁之粘土方塊，為製造塗墼，在地面上挖泥成窪地之處，即稱塗墼堀。』總講--一句，庄名雖然抾「kat」ê音讀寫做「葛」，毋拄港名卻是取音義俱合ê「墼」--字，啊若kàu今iá閣寫做「塗葛堀」ê龍井舊庄頭名，tse是借自同音字ê「葛」，由此更加會當證明讀做「kak」是誤讀，寫做「埆」是tānn字。

　　根據閩南語漢字稽考ê原則「音義俱合」，「埆」--字真明顯是音義計無對同，「thôo-kat」ê「kat」--字，漢字ê本字就是「墼」--字。

【引頭路 ín-thâu-lōo】→【允頭路 ín/ún/írn-thâu-lōo】

 『找工作(found a job)』，《教典》共漢字寫做「引頭路」（異用字「允頭路」），音讀孤收「ín-thâu-lōo」一音。

　　問題是，「ín/ún/írn頭路」个動詞有方音差，漳音「ín頭路」、新泉音「ún頭路」、老泉音「írn頭路」，「引」--字卻是無分漳泉孤有一音「ín」，無適合做「ín/ún/írn頭路」个「ín/ún/írn」，建議照《臺日》个音字「允(ín/ún/írn)頭路」。

　　經過筆者个建議，《教典》已經佇2014年12月修改做【允頭路 ín/ún-thâu-lōo】，http://twblg.dict.edu.tw/holodict_new/compile1_8_1.jsp。

「詳細」个第二音讀「siông-suè」？

       「詳細」是一个文讀詞彙，泉腔个「細」--字文讀亦是西韻个「sè」，只个詞孤有泉音「siông-sè」、漳音「siâng-sè」，無「siông-suè」个音讀，《廈英》、《臺日》也是安爾記載，「細」--字佇「詳細」只个文讀詞彙並無白讀「siông/siâng-sè/suè/serè」个漳泉韻母對應，所致次字無分漳泉孤有一个文讀音「sè」。

　　《教典》「詳細」个第二音讀「siông-suè」，拍算是編輯者kāi-kī格(kik)--个，是「錯誤類推」，毋是實際个語言調查；顛倒漳腔實際有个「siâng-sè」，受體例限制煞無收。建議刪除「siông-suè」个音讀。

　　經過筆者个建議，《教典》已經佇2014年12月刪除「siông-suè」个音讀。

【誠實 tsiânn-si̍t】ê頭--字是陽平？

只个詞，陰陽平變調有分 ê 泉系方言無人說做「tsiann_11/21/22 si̍t」，一律說做「tsiann-si̍t」（鹿港、臺北、平溪、新竹、麥寮、金門、泉州、晉江、安溪、同安……），《臺日》、在來 ê 歌仔簿（冊）寫做「正實」，也會雙聲同化做「siann-si̍t」，安溪泉腔有說「sann-si̍t」，可能是「siann」介音脫落，在來 ê 歌仔簿（冊）寫做「相實」、「三實」，三邑泉腔另外有說做「sian-si̍t」，不管佗一个方音差，頭--字計是陰平字，毋是陽平字，《臺日》也是記做「tsiann-si̍t」，共頭--字寫做「誠」--字、記做「tsiânn」，是偏漳腔 ê 人陰、陽平變調無才調分 ê 誤解。「tsiann-si̍t」ê 本字，洪惟仁教授主張是「精實」，蕭藤村老師嘛頓「精實」一票，取「精確真實」ê 意思，漳南銅山 ê 何煒先生也贊成。

　　2014年《教典》ê 字音修訂會議，我就有建議：

　　6.「誠實(tsiânn-si̍t)」→「正實(tsiann-si̍t)」

　　總--是，咱人微言輕，會議最後並無採納小弟 ê 建議。

---------------------------------------------------------------------- 

2017年《教典》有修訂計畫，我閣再一次建議（理由同上）：

　　45. 【誠實 tsiânn-si̍t】→【精實 tsiann-si̍t】

--------------------------------------------------------------------

論真，漢字我無堅持著寫本字 ê「精實」，欲寫做在來民間寫 ê「正實」也好，上要緊--ê 窮實是音讀，頭--字記做陽平，已經造成泉腔學習者 ê 困擾--囉！

【窮分 khîng-hun】ê 頭--字是陽平？

 只个詞頭--字是陰平，毋是陽平。

泉州腔、老同安腔無人說做頭--字陽平 ê「khing_11/21/22 hun」，泉州腔、老同安腔一律說做頭--字陰平 ê「khing-hun」，《增補廈英》p.75、《臺日‧上》p.305 就是孤收「khing-hun」，無收「khîng-hun」，偏漳腔 ê 人陰陽平變調無分，所致《教典》誤做【窮分 khîng-hun】。另外一个同義詞【khin/khun/khirn-hun】，頭--字也是陰平。建議照《臺日》ê 音字【傾分 khing-hun】。

　　經過筆者 2014、2017 年兩遍 ê 建議，《教典》目前佇主音讀「khîng-hun」後壁補一个「又唸作 khing-hun」。總--是，重點是偏漳腔陰陽平變調無分，著愛泉州腔、老同安腔 ê 人 tsiah 分會出--來，所致頭字「khîng」ê 音讀窮實著刪除，漢字也著改做陰平字。

【圓拱 uân-kong/kiong】

門窗上方施以圓拱狀(arch)的設計，此設計稱為【圓拱 uân-kong】、【圓拱仔 uân-kong-á】、【圓拱門頭 uân-kong-mn̂g-thâu】、【圓拱楣 uân-kong-bâi】，若是『拱橋』便稱作【圓拱橋 uân-kong-kiô】。《廈英大辭典》和《臺日大辭典》除了收「uân-kong」以外，另有收「uân-kiong」。

俗諺：「【鳥鼠空挖到圓拱門 Niáu-tshír-khang óo kàu uân-kong-mn̂g.】、【鳥鼠仔空變成圓拱門。Niáu-tshír-á-khang pìnn-tsiânn uân-kong-mn̂g.】」意指原本僅是老鼠洞般的小細縫，若沒有即時修補，等到像「圓拱仔」般大時，就更難處理了，勸人有小問題時應即時補救，不要等到事情變大才來叫苦連天。也有人稱小題大作為【鳥鼠空當做(tòng tsuè)圓拱門】。

 

　　《臺日大辭典》另外收錄前字為陰平的「uan-kong」，說臺灣普通腔的人陰陽平變調不分，依泉腔語料來看，前字當為陽平的「uân」；《教典》除了收「uân-kong」之外，另收「uân-kóng/kióng」兩音，筆者懷疑是編者受到揀選漢字為「栱」的影響，由漢字尋音讀的「錯誤類推」，實際上沒人說「uân-kóng/kióng」，而「栱」字源自「拱」字，後僅用於『斗栱』，「拱」字原義『拱手』，後引申作形容詞「圓弧形的」，「拱」字在中古韻書中除收「上、去」兩聲外，《集韻》另收有一音「拱：居容切」屬陰平，《教典》將「uân-kong」的漢字寫作「圓栱」，實應作「圓拱」。

1.「栱」--字：【集韻】【韻會】古勇切，𠀤音拱。大杙也。【爾雅·釋宮】杙大者謂之栱，長者謂之閣。 又栱斗，柱頭枓栱也。

2.「拱」--字：【說文】斂手也。【徐曰】兩手大指相拄也。【書·武成】垂拱而天下治。【註】垂衣拱手也。【禮·玉藻】凡侍於君垂拱。【疏】沓手也。身俯則宜手沓而下垂也。 又【爾雅·釋詁】執也。【註】兩手合持爲拱。【左傳·僖三十二年】爾墓之木拱矣。 又拱翊，環衞也。 又與珙通。大璧也。【左傳·襄二十八年】與我其拱璧。 又【集韻】居容切，音恭。左傳，拱璧。徐邈讀。 又居用切，供去聲。亦斂手也。

《教典》「圓栱門」ê相片講佮(kah)只張--啦！真正是豬母牽對牛墟--去！種个(tsióng-ge)毋是【圓拱門 uân-kong-mn̂g/muî】，阮老父(pě)是做木--ê，種个門伊說做【圓門 înn-mn̂g】，在來有說做【月窗門 ge̍rh/ge̍h/gue̍h-thang-mn̂g/muî】（《臺日》）。

【楹仔 ênn-á】：「廳堂前的直柱，後泛指柱子。」？？？

傳統漢式建築的【棟路 tàng-lōo】（結構），屋頂下平行於面闊的樑木稱作【桁仔 înn/ênn-á】」，《教典》將「桁仔」寫作「楹仔」，且《教典》原本對於「楹仔」的釋義為「廳堂前的直柱，後泛指柱子」，這條釋義完全被華語的『楹柱』所誤導，不料社會上的臺語人還真有人是如此認為。實際上，閩南語的「înn/ênn-á」是指「支撐屋頂的下方樑木」，並不是指「柱子」，經筆者建議後，已於2014年年底的字音修訂會議修正。

　　然而，雖改作「橫梁。建築中橫向支撐的構造。」卻仍不如筆者原先的建議「支撐屋頂的下方樑木」來得貼切，因為傳統建築中的【壽樑 siū-niû/niôo】、【燈樑 ting-niû/niôo】、【𨑨迌樑 thit/tshit-thô-niû/niôo】......等皆是「橫向支撐的橫樑」，但是卻與「înn/ênn-á」天差地別。「支撐屋頂的下方......」或「屋頂下......」是 keyword。

此外，「înn/ênn」的本字應為「桁」，按《廣韻》：「桁，屋桁，戶庚切又戶剛戶浪下孟三切。」《玉篇》：「屋桁，屋橫木也。」「戶庚切」反切上字「戶」屬「匣母」，「匣母」本有白讀為零聲母的涵字，ex.胡(ôo)、學(o̍h)、紅(âng)、洪(âng)、換(uānn)、活(ua̍h)、何(uâ)，反切下字「庚」屬「梗開二」，其涵字本有「-inn/-enn」的白讀韻母，因此「桁」字可為白讀音的「înn/ênn」，音義俱合。

 

　　而「楹」字，《說文》：「柱也。」可見用「楹」來表示「înn/ênn」，極為不妥。

『溜滑梯』ê 臺語

 咱 ê 話，有關「Playground slide」ê 說法有幾 lō 種，逐个罔參考：1.【趨趨仔  tshu tshu-á】。

2.【趨流籠  tshu liû-lông】。

3.【趨石攄（仔）  tshu tsio̍h-lu（á）】。

4.【趨（溜/攄）樓仔  tshu （liu/lu）lâu-á】。

5.【趨馬溜（仔）  tshu bé-liu（-á）】。

6.【趨滑溜  tshu ku̍t-liu】。

7.【攄攄仔梯 lu lu-á-thui】。

8.【鑢龜  lù-ku】，臺南馮勝雄主任。

9.【趨滑り台   tshu sîr/sû-bé-lí-lái】。

10.【趨( tshu)lí-lái】。
11.【滑鑢趨  ku̍t-lù# tshu】，金門坪林劉秀雪教授。
12.【滑電梯  ku̍t tiān-thui】，泉州南安阿海提供。
13.【跙電車  tshū tiān-tshia】，泉州南安阿海提供。
14.【滑尻川石    ku̍t kha-tshng-tsio̍h】，廈門。
15.【趨尻川石  tshu kha-tshng-tsio̍h】，孫先提供廈門講法。
16.【趨趨板  tshu tshu-pán】，馬來西亞太平李永球先生提供。
17.【lu̍t-ku̍t-thui】，漳州銅山何煒先生提供。
18.【跙尻川枋     tshū kha-tshng-pang】，六桂方先。
19.【溜尻川     liu kha-tshng】，禾山。

 ps.「趨(tshu)」是《教典》ê 用字，是替代字，毋是本字，暫且從--之。本字是「趄」。

《教典》有收【跙流籠  tshū liû-lông】，總--是，只个動詞我聽--著--ê 多數計是說陰平，變調了後變中平調。

【趨 tshu】kap【跙 tshū】ê tsing 差，《教典》ê 釋義分拆了並無好勢，咱會用得參考《臺日》所記--ê，【趨 tshu】ê 速度是「急速力に」，【跙 tshū】ê 速度是「じりじりと、じわじわと」，「じりじりと、じわじわと」就是【寛寬仔】、【勻勻仔】ê 意思。